Реферат: Я. Колас – заснавальнік юнацкай аповесці ("У Палескай глушы", "На прасторах жыцця", "Дрыгва")

Аднак самае галоўнае ў ім тое, што ён прагне быць карысным свайму народу, страсна адмаўляе цвярозы практыцызм, маральную неахайнасць.

Чысты душой юнак, які свята верыць у магчымасць новага жыцця, сутыкаецца з дэмагогіяй, двурушніцтвам, ідэйным прыстасаванцам, жыцейскім брудам і распустай.

Сцёпка Барута - сын працоўнай вёскі, і ён хоча будаваць новае жыццё. Пісьменнік малюе яго вобраз з асаблівай цеплынёй.

Пісьменнік у адносінах да сваіх герояў нібы становіцца старэйшым таварышам, настаўнікам, які сочыць за кожным крокам у жыцці, радуецца іх поспехам і нават крыху зайздросціць іх невычэрпнай энергіі, маладосці.

Сцёпка ідзевучыцца ў Мінск. Горад адкрывае маладому герою вочы на многія рэчы, аб якіх ён нават і не чуў. Сталіца Беларусі сустракае і Сцёпку Баруту як роднага сына.

Горад дапамагае герою выпрацаваць харакрар, непамерна пашырае яго кругагляд, адным словам, робіць з яго паўнацэннага, карыснага для Радзімы чалавека.

У горадзе Сцяпан Барута атрымаў першыя ўрокі калектывізму, пазнаў, што такое таварыская спайка, што такое плячо суседа ў працы і ў барацьбе.

Пазней набытыя ў горадзе веды і навыкі герой павязе ў вёску, каб і там перабудоўваць жыццё на новы лад.

Сваім творам пісьменнік нібы папярэджваў моладзь, што, нягледзячы на наяўнасць улады, нельга разлічваць на лёгкі поспех у жыцці, трэба ўсімі сіламі дамагацца яго.

Сцяпан Барута - чалавек з новым светапоглядам, са сваім уласным светам пачуццяў, думак, імкненняў. Ён паважае сябе, паважае навакольных людзей. Не церпіць маны і фальшу. Сцяпан Барута свядома рыхтуе сябе да карыснай грамадскай працы “агранома ці будаўніка".

У родную вёску юнак ужо едзе пасланцом горада, каб распачаць там выхаванне “прывычкі вясці работу калектывам".

Сцяпану Баруту ўдалося тое, чаго не змог ажыццявіць у дарэвалюцыйныя гады Лабановіч. Ён падняў сялян на калектыўную працу, на асушку Гнілога балота. Гэта быў першы сур´ёзны ўрок сумеснай работы, які атрымала вёска.

Прыгожыя ў Сцёпкі адносіны і да сваёй каханай Алены. Ён бачыць у дзяўчыне перш за ўсё таварыша, друга ў працы, у будаўніцтве новага жыцця.

Аповесць “На прасторах жыцця" - той твор, якім пісьменнік канчаткова ўвайшоў у літаратуру сацыялістычнага рэалізму, літаратуру сцвярджэння новых адносін паміж людзьмі.

4. На пакручастых пуцявінах перабудовы жыцця (аповесць “Дрыгва”)

У 1933 годзе была надрукавана аповесць Якуба Коласа “Дрыгва". Прысвечаная партызанскай барацьбе на Палессі ў час грамадзянскай вайны, аповесць вельмі хутка стала адной з самых любімых кніг беларускага чытача, асабліва моладзі.

“Дрыгва" - твор высокапаэтычны, наскрозь прасякнуты мудрай народнай усмешкай, дасціпнай разважлівасцю, лірычнасцю.

У аповесці Якуб Колас не ставіць задачу выявіць усе псіхалагічныя адценні, нюансы паводзін сямідзесяцігадовага партызана дзеда Талаша, астатніх герояў, хоць раскрыццё душэўнага жыцця герояй зроблена ў творы бліскуча, скупымі, але надзвычай выразнымі, дакладнымі мастацкімі дэталямі.

Некаторымі рысамі “Дрыгва" нагадвае прыгодніцкі твор. Успомнім: займальных, дэтэктыўных сюжэтных ліній, вузлоў, развязак у аповесці аж зашмат.д.войчы ўцякае ад легіянераў сам дзед Талаш: першы раз, калі замахнуўся на іх сякерай ля стажка і яму хацелі скруціць рукі, і другі раз - натрапіўшы ў зімовым лесе на засаду.

Пры апошніх уцёках дзед Талаш нават чэрап праламаў аднаму з канвойных.

Свайго героя пісьменнік ставіць у абставіны стыку двух светаў - старога, несправядлівага, і новага, які нараджаецца і які адкрыў перад працоўным народам нябачаныя раней перспектывы свободнага жыцця.

Дзед Талаш спачатку выступае перад намі ў абліччы тыповага селяніна, знешне нерашучага, пакорлівага, які прывык біць паклон панам, каб толькі як-небудзь абараніць свій маленькі дабрабыт.

Дзед Талаш паўстае перад намі як чалавек разумны, мудры, як яркая, багата адораная ад прыроды натуры.

Гэта той тып беларуса старэйшага пакалення, якому давялося амаль усё жыццё гнуць спіну пад прыгнётам эксплуататараў і толькі на схіле свайго жыцця ўбачыць той радасны час, аб якім яно марыла дзесяцігоддзямі.

5. Коласаўскім шляхам

Мастацкая творчасць Коласа здзіўляе незвычайнай эпічнай шырынёй, выключна глыбокім пранікненнем ва ўнутраны свет чалавека, высакароднасцю, вышынёй маральных патрабаванняў, як асновай жыцця чалавечага грамадства.

Аповесць “Дрыгва" з´яўляецца выдатным творам у літаратуры, у якім знайшлі выражэнне адметныя рысы рэалізма Я. Коласа: уменне стварыць глыбока тыповы вобраз на аснове жыцця канкрэтнай гістарычнай асобы.

У юнацкай аповесці “На прасторах жыцця" аўтар імкнуўся ў першую чаргу паказаць прасторы для грамадскай дзейнасці і тое, як моладзь выкарыстоўвае іх.

У аповесці “У палескай глушы" Я. Колас выяўляе багацце і арыгінальнасць індывідуальнай мастацкай канцэпцыі, што дае чытачу-юнаку магчымасць для эмацыйна-эстэтычнага асваення новых граня

Спіс літаратуры

1. Гісторыя беларускай літаратуры XX стагоддзя: У 4 т. Т1/ Нац. акад. навук Беларусі. Ін-т літаратуры імя Я. Купалы. - Мн.: Беларуская навука, 1999. - 583с.

2. Навуменка І. Нарыс жыцця і творчасці/ І. Навуменка. - Мн.: Нар. асвета, 1982. - 208с.